Interlingvistiko

Komunikado kaj esperanto

Komunikado – interŝanĝo de informoj – iĝis baza afero en la 20-a jarcento, kiun la tekniko pli kaj pli subtenas. Homoj komunikas parole, skribe kaj ankaŭ bilde; persone, telefone aŭ rete, sed ankaŭ per sia konduto kaj aspekto. Komunikado povas okazi unudirekte, kio ĉefe karakterizas la amaskomunikadon, aŭ plurdirekte. La internacia kaj interkultura komunikado iĝis ĉiutaga realeco pro la tutmondiĝo, tiel povas okazi konfliktoj pro la kulturaj kaj lingvaj malsamecoj. La libro donas superrigardon pri la vasta temo kaj analizas la eblecojn kaj kontribuon de Esperanto en kelkaj terenoj, en tri partoj: Komunikado el diversaj aspektoj, Internacia komunikado kaj Interkultura komunikado.

Komunikado kaj Esperanto estas la tria volumo de la universitataj lernolibroj de la Interlingvistikaj Studoj de AMU, kiu ĉerpas el la 25-jaraj spertoj. La kontribuantoj estas instruistoj kaj studentoj de la Studoj: 13 aŭtoroj el 11 landoj (inter ili Humprey Tonkin, Detlev Blanke, Bengt-Arne Wickström). Tio certigas la internacian aliron al la problemoj. La verko celas ne nur la studentojn de la postdiplomaj kaj la novaj magistraj studoj pri interlingvistiko, sed ĉiujn, kiuj interesiĝas pri la baza kaj grava temo de nia epoko, komunikado kaj la rolo de Esperanto en tio.

Lingvoj: Esperanto